Germaniyalik olimlar insultning ilk belgilari xurujdan bir necha hafta avval paydo boʻlishini maʼlum qildilar. Ularning aytishlaricha, belgilar bir koʻrinish berganidan keyin bevosita xuruj oldidan yoʻq boʻlib qolishi ham mumkin.

Asosiy belgilarning eng birinchisi – tananing bir tomoni, bitta qoʻl yoki oyoqning falajligi hisoblanadi. Ogʻizning bir tomoni pastga tushib qolishi, odamning kulishga qiynalishi ham insult belgisi. Bunday holatda bemorning gap-soʻzlariga eʼtibor berish kerak. Agar uning soʻzlari noaniq yoki maʼnosiz boʻlsa, soʻz tuzish bilan bogʻliq xatolarga yoʻl qoʻyilsa, xavotirlanish uchun yetarlicha asos bor. Insult xurujidan oldin aksariyat bemorlarda tasodifan kuchli bosh ogʻrigʻi paydo boʻladi. Oxirgi – beshinchi alomat esa koʻrish qobiliyatining keskin yomonlashishi hisoblanadi.

Mutaxassislar ushbu belgilarning birortasi paydo boʻlishi bilan darhol tez yordam chaqirish kerakligini taʼkidlashgan.

• Foydali
• salomatlik