Yangi zelandiyalik aktyor, “Yura davriga sayohat” filmidagi doktor Alan Grant roli bilan tanilgan Sem Nilga III darajadagi qon saratoni tashxisi qo‘yilgani ma’lum bo‘ldi.

Aktyor 2022-yilning mart oyida shishgan bezlar bilan og‘riganini aytdi va oradan ko‘p o‘tmay unga angioimmunoblastik T-hujayrali limfoma tashxisi qo‘yildi.

U kimyoterapiya muolajasini olgan, biroq bu natija bermagan. Undagi saraton kasalligi remissiya bosqichida bo‘lsa-da, aktyor umrining oxirigacha har oy qabul qiladigan yangi kimyoterapiya preparatini boshladi. Shuningdek, Sem Nil davolanayotganida xotiralar kitobini yozish g‘oyasi paydo bo‘lganini aytgan.

“Umuman kitob yozish niyatim bo‘lmagan. Biroq yozishda davom etar ekanman, bu menga yashashimga sabab bo‘lganini angladim. Bu haqiqatan ham meni qutqardi, chunki hech narsa qilmay bundan o‘ta olmasdim”,— deydi aktyor.

• Kino
• Saraton
• aktyor
• qiziqarli