Gonkong mahalliy qadimiy obidalar va yodgorliklar boshqarmasi ilk bor dinozavr qoldiqlari topilganini ma’lum qildi.

Topilgan qoldiqlar taxminan 145-66 million yil oldin yashagan bo‘r davri katta dinozavriga tegishli. “Dinozavr turlarini aniqlash uchun ko‘proq tadqiqotlar talab etiladi”, deb yozadi The Guardian.

Qoldiqlar YUNESKO global geoparki Port orolida topilgan. Mutaxassislar dinozavrning jasadi qum va shag‘al qatlami ostida ko‘milgan, keyin kuchli suv toshqini natijasida yuzaga ko‘tarilgan va cho‘kindi qatlami ostida yana ko‘milgan deb taxmin qilgan. Shu paytgacha Gonkongda topilgan dinozavrlar yashagan davrga oid yagona topilmalar baliq qoldiqlari bo‘lgan.

• Dinozavr
• Gonkong
• Tarix
• qiziqarli
• topilma