Amerikaning Google texnologiya kompaniyasi yaqin to‘rt yil ichida Germaniyadagi loyihalarga 5,5 milliard yevro sarmoya kiritmoqchi.

Bu haqda kompaniyaning Germaniyadagi operatsiyalari rahbari Filipp Yustus bayonotiga tayanib, Der Spiegel jurnali xabar berdi.

Ushbu mablag‘lar Gessenning Ditsenbax shahrida yangi ma’lumotlar markazini qurish va Xanauda (shuningdek, Gessenda) mavjud ma’lumotlar markazini kengaytirishga yo‘naltirilishi rejalashtirilgan. Google shuningdek, Berlin, Myunxen va Frankfurt-na-Maynda o‘z faoliyatini kengaytiradi. Kompaniya ma’lumotlariga ko‘ra, bu Germaniyadagi eng yirik investitsiya dasturidir. U 2029-yil oxirigacha Germaniyada har yili taxminan 9000 ish o‘rni yaratishni rejalashtirmoqda.

Googlening rejalarini Germaniya kansleri Fridrix Mers ijtimoiy tarmoqdagi postida olqishladi. Uning so‘zlariga ko‘ra, bu Germaniya “dunyodagi eng jozibador investitsiya joylaridan biri bo‘lib qolayotganini” ko‘rsatadi.

• Germaniya
• Google
• Investitsiya