Gruziya prokuraturasi mamlakatning sobiq bosh vaziri Irakliy Garibashvili bilan protsessual kelishuvga erishdi. Unga ko‘ra, Garibashvili 5 yil qamoq jazosini o‘taydi va davlatga 1 million lari (372 ming dollar) miqdorida jarima to‘laydi. Siyosatchiga 9 yildan 12 yilgacha ozodlikdan mahrum etish jazosi tahdid solayotgan edi. Shuningdek, Garibashvilining uyida tintuv paytida topilgan 6,5 million dollar mablag‘ musodara qilindi”, deya xabar bermoqda Deutsche Welle nashri.

Oktyabr oyi oxirida Gruziya prokuraturasi sobiq bosh vazirga juda yirik miqdordagi noqonuniy daromadlarni legallashtirish bo‘yicha rasman ayblov qo‘ygandi. Tergov versiyasiga ko‘ra, Garibashvili 2019–2024-yillarda mudofaa vaziri, keyinchalik esa bosh vazir bo‘lib ishlagan davrida tadbirkorlik faoliyati bilan shug‘ullangan, olingan daromadlarni esa oila a’zolaridan olingan sovg‘alar sifatida rasmiylashtirgan. Garibashvili, shuningdek, o‘z mulklarini qarindoshlari nomiga rasmiylashtirgan.

U 2011-yilda tashkil etilganidan buyon hukmron “Gruziya orzusi” partiyasining a’zosi hisoblanadi. Bir muddat u partiya raisi lavozimida ham ishlagan.

• Bosh vazir
• Gruziya