Samarqand va Xorazm viloyatlarida o‘tkazilgan tezkor tadbirlar davomida jami 5 kilogramm 527 gramm opiy moddasi musodara qilindi. Bu haqda Davlat xavfsizlik xizmati ma’lum qildi.

Samarqand viloyatining Urgut tumanida yashovchi, 1973-yilda tug‘ilgan fuqaroning xonadoni ko‘zdan kechirilganda, hovliga ko‘milgan 4 kilogramm 988 gramm opiy aniqlandi. Tadbir DXXning viloyat boshqarmasi tomonidan bojxona va ichki ishlar organlari bilan hamkorlikda o‘tkazilgan.

Xorazm viloyatida esa Termiz shahrida yashovchi, 1989-yilda tug‘ilgan ikki fuqaro “Sarimoy” blok-postida to‘xtatilgan. Ular harakatlangan avtomobil va uyali aloqa vositalarini tekshirish davomida Buxoro viloyati Romitan tumani hududidan 539 gramm opiy topilgan. Ma’lumotlarga ko‘ra, ular giyohvandlik vositasini Xorazm viloyatida sotishni rejalashtirgan.

Har ikki holat yuzasidan Jinoyat kodeksining 246- va 273-moddalari bilan jinoyat ishlari qo‘zg‘atilgan. Hozirda tergov harakatlari olib borilmoqda.