Italiyaning “Gucci” modalar uyi Finlandiyaning sogʻliqni saqlash sohasiga oid texnologiyalar ustida ish olib boruvchi “Ōura Health” kompaniyasi bilan hamkorlikda aqlli uzuklarni sotuvga chiqardi.

Uzukning ichki qismiga bir nechta datchiklar oʻrnatilgan. Ular tana harorati, tomir urishi, nafas olish tezligi, jismoniy faollik darajasi va uyqu sifatini nazorat qilish imkoniyatiga ega.

Uzuk tomonidan toʻplangan maʼlumotlar smartfondagi mobil ilovaga uzatib beriladi. Ilova yordamida organizm holatini tahlil qilish bilan bir qatorda salomatlikni asrash boʻyicha audiodarslar, uyqu dasturlari, nafas bilan ishlash mashqlariga ham ega boʻlish mumkin.

“Ōura 3” uzugi titandan ishlangan boʻlib, ustki qismi qora rangda. Unga 18 karatli sariq oltin yordamida bezak berilgan.

Uzukning quvvati 4-7 kungacha yetishi mumkin. Uning narxi 950 AQSh dollariga baholangan.

• Foydali
• ixtiro
• moda
• salomatlik
• texnologiya