Joriy yil boylar reytingida keskin sur’atda ko‘tarilgan hindistonlik magnat Gautam Adani Jeff Bezosni ortda qoldirib, dunyoning ikkinchi eng boy odamiga aylandi. Bu haqda “Bloomberg” xabar berdi.

Yilni “Bloomberg” milliarderlar indeksida 14-o‘rinda boshlagan Adanining boyligi 146,9 milliard dollarga yetdi, bu Ilon Maskning 260 milliard dollar boyligidan keyingi eng ulkan miqdor.

“Adani Enterprises” kompaniyasining aksiyalari shu hafta rekord darajaga ko‘tarildi.

Bezosning boyligi 145,8 milliard dollarga tushib ketdi. “Amazon” aksiyalari esa bu yil 26 foizdan ko‘proq pasaygan.

Adani fevral oyida Osiyoning eng boy odami sifatida vatandoshi Mukesh Ambanini ortda qoldirgan, aprel oyida esa 100 milliardlik dovonni zabt etdi va so‘nggi ikki oy ichida Bill Geyts va fransiyalik Bernar Arnodan o‘zib ketdi.

Bu ilk marta osiyolik milliarderning AQSH texnologiya tadbirkorlari hukmronlik qilgan boylik indeksining yuqori pog‘onasiga ko‘tarilganini anglatadi.

60 yoshli Adani 80 yillarning boshida Mumbay olmos sanoatida o‘z omadini sinab ko‘rish uchun kollejni tashlab ketgan.

Shundan buyon uning konglomerati aeroportlar, ma’lumot markazlari, syement, ommaviy axborot vositalari va yashil energiyagacha kengayib, bosh vazir Narendra Modi Hindistonning uzoq muddatli iqtisodiy maqsadlariga erishish uchun muhim, deb hisoblagan sohalarga e’tibor qaratdi.

Mamlakatdagi eng yirik xususiy sektor porti va aeroport operatorlari, shahar-gaz distribyutorlari va ko‘mir ishlab chiqaruvchisi Adani imperiyasining bir qismi bo‘lib, u ham dunyodagi eng yirik qayta tiklanadigan energiya ishlab chiqaruvchisi bo‘lishni maqsad qilgan.

• Bloomberg
• Gautam Adani
• Ilon_Mask
• milliarderlar