Tesla va SpaceX asoschisi Ilon Mask Bloomberg Billionaires Index tomonidan dunyoning eng boy odamlari ro‘yxatida yana birinchi o‘rinni egalladi. Uning boyligi 192 milliard dollarga baholangan. LVMH (Moet Hennessy – Louis Vuitton) egasi Bernard Arno 187 milliard dollar boyligi bilan ikkinchi o‘ringa tushib qolgan.

Forbes’ning shunga o‘xshash reytingida esa Bernard Arno hamon eng boy tadbirkor bo‘lib, uning boyligi 215 milliard dollarga baholangan. Shu bilan birga, Ilon Mask 200 milliard dollar boyligi bilan ikkinchi o‘rinni egallagan.

Qayd etish mumkin, Bernard Arno 2022-yil dekabr oyida Bloomberg reytingida Ilon Maskdan ortda qolgan edi. Bunga texnologiya sanoatidagi qiyinchiliklar sabab bo‘ldi. Parijda joylashgan Euronext birjasidagi savdolar chog‘ida LVMH aksiyalari 2,6 foizga tushib ketgani sababli ishbilarmonlar o‘z o‘rinlarini almashtirgan. Bernard Arno bir kunda 11,2 milliard dollar yo‘qotgan.

• Bernard Arno
• Bloomberg
• Forbes
• Ilon_Mask
• Louis Vuitton
• SpaceX
• Tesla
• milliarderlar