So‘nggi olti oy ichida ko'plab odamlarning hissiy holati sezilarli darajada yomonlashdi va mutaxassislarga qo‘ng'iroqlar soni oshdi. Biroq, aksariyat holatlarda ruhiyatimizning asta-sekin zaiflashishiga asosiy sababchi o‘zimiz bo‘lamiz. Salbiy munosabat hayotimiz davomida bizga hamroh bo'lib, ongimizni zaharlaydi. Psixologlar hayotdan zavqlanishga halaqit beruvchi 5 ta salbiy fikr haqida aytib o’tishgan.

"Men qila olmayman"

Kimdir barcha muammolarni darhol hal qilishga shoshilsa, ba’zi odamlar hammasidan osongina voz kechishni afzal ko'radilar. Hayotimizdagi qandaydir qiyin davrdan o’ta olmaymiz degan fikr miyaga vaziyatning o'zidan ham ko'proq zarar keltiradi, natijada himoya mexanizmlari asta-sekin ishdan chiqadi. Bunday vaziyatda ushbu muammoni o'zingiz hal qila olishingizga ishonchingiz komil bo'lmasa, mutaxassislardan maslahat olishingiz kerak. Psixologlar tushkunlikka tushishingizga yo'l qo'ymaydigan maslahatlarni berishadi.

"Baxtli bo'lishim uchun menga ko’p narsa kerak ..."

Ko'pincha biz xohlagan narsalarimizning barchasigani qo’lga kirita olmasak baxtimiz to’liq bo’lmaydi deb o'ylaymiz. Shu sababli odam o'zida mavjud bo'lgan hamma narsaning qadriga yeta olmaymiz. Biz hamma narsani odatdagidek qabul qilamiz va o'zimizning qanchalik omadli ekanligimizni sezmaymiz. "Mukammal baxt"ni kutib butun hayotingizni o'tkazib yuborishingiz mumkin.

"Menga hamma narsa kerak"

Ushbu fikr psixologiyangizni aql bovar qilmaydigan darajada jiddiy shikastlashi mumkin. Odatda "menga hammasi kerak yoki hech narsa kerak emas" degan g'oya perfeksionistlar va o'ziga past baho beradigan odamlarning ongida yashaydi. Mukammallikka erishib bo'lmaydi degan tushuncha paydo bo'lganda ruhiyat aql bovar qilmaydigan darajada stressni boshdan kechiradi, bu esa ruhiy salomatlikning buzilishi bilan yakunlanishi mumkin. Ushbu holatda psixolog bilan ishlashga harakat qiling.

"Men bunga loyiq emasman"

Shunday hayollar odamni qattiq depressiyaga tushirishi, uni biror narsaga intilish va natijalarga erishish uchun barcha rag'batlardan butunlay mahrum qilishi mumkin. Ko'pincha bunday fikr boshqa odamlarning gaplari bilan miyangizda shakllanadi. Atrofingizdagilar bilan muloqotda ehtiyot bo'ling va sizni pastga tortadigan odamlar bilan yaqin aloqada bo'lmaslikka harakat qiling.

"Atrofdagi odamlarning hammasi mendan yaxshiroq"

O'zingizni boshqalar bilan doimiy ravishda taqqoslash ruhiyatingizni zaiflashtiradi. Bizdan yaxshiroq, bizdan-da kattaroq yutuqlarga erishgan odamlar har doim topiladi. Siz o’zingizdan ko'proq narsaga erishgan har bir kishidan o'zib ketishga harakat qilishingiz mumkin, lekin bu istakni hayotingizning maqsadi sifatida belgilamasligingiz kerak. Qanday kuchli tomonlaringiz borligini tushunishingiz va ularni rivojlantirishga e'tibor berishingiz muhimdir.

• Foydali
• Psixolog
• qiziqarli
• ruhiyat
• salomatlik