Janubiy Afrikaning janubi-sharqidagi KvaZulu-Natal provinsiyasida suv toshqini qurbonlari soni 443 nafarga yetdi. Bu haqida “Reuters” axborot agentligi xabar berdi. 

Ma’lum qilinishicha, toshqinlar oqibatida 63 kishi bedarak yo‘qolganlar ro‘yxatiga kiritilgan.

“Hozirda qurbonlar soni 443 nafar, yana 63 nafari bedarak yo‘qolgan”, deyiladi mahalliy eNCA telekanali tomonidan efirga uzatilgan brifingda. Xususan, bir kun oldin rasmiylar 398 kishi halok bo‘lganini qayd etishgan. Eng koʻp oʻlim holatlari (350 dan ortiq) maʼmuriy markazi Durban shahri boʻlgan Itekvini munitsipal okrugida tasdiqlangan.

Ta’kidlash joiz, yomon ob-havo minglab aholini uysiz qoldirgan, elektr va suv ta’minoti uzilgan, Afrikaning eng gavjum portlaridan biri – Durbanning faoliyatini vaqtincha to‘xtatilgan. 

Antarktidadan kelayotgan sovuq havo massalari taʼsirida 8-apreldan buyon Janubiy Afrikada siklon aylanib yuribdi. KvaZulu-Natal boshqa viloyatlarga qaraganda ko‘proq zarar ko‘rgan, bu yerda 4 mingta ma’muriy binolar va uylar butunlay vayron bo‘lgan, Shuningdek, ko‘plab avtomobil va temir yo‘llar suv ostida qolgan, ko‘priklar vayron bo‘lgan.

Ma’lumotlarga ko‘ra, to‘fondan yetkazilgan zarar 684,58 million AQSh dollaridan oshadi.

• Jahon
• Janubiy Afrika
• suv_toshqini