“Hokimiyatdan chetlatilgan prezident Yun Sok Yolga qarshi davlat to‘ntarishi va vakolatlarni suiiste’mol qilish bo‘yicha ish yuqori lavozimli amaldorlar o‘rtasida korrupsiyaga qarshi tergov boshqarmasi tomonidan prokuraturaga topshirildi”, – deya xabar bermoqda Yonhap axborot agentligi.

Korrupsiyaga qarshi tergov boshqarmasining ayblov qo‘yish vakolati yo‘q, lekin shubhalarni o‘rganib, tegishli xulosalar bera oladi. Tergov boshqarmasi o‘z xulosasida prokuraturadan Yun Sok Yolga davlat to‘ntarishi va vakolatlarni suiiste’mol qilish bo‘yicha ayblovlar qo‘yishni so‘ragan.

Eslatib o‘tamiz, 2024-yil 3-dekabr kuni Yun Sok Yol Janubiy Koreyada harbiy holat joriy qilish haqida e’lon qilgan edi. Mamlakat parlamenti bu qarorni tezda bekor qilib, 14-dekabr kuni Yunga nisbatan impichment e’lon qilgandi. Hokimiyatdan chetlatilgan davlat rahbari sud orderi bilan 15-yanvar kuni ikkinchi urinishda qo‘lga olingan.

• Janubiy Koreya
• Prezident
• Prokuratura