31°
Kechasi 18°
23-martdan boshlab Toshkent–Chorvoq yo‘nalishidagi mavsumiy avtobus harakati qayta yo‘lga qo‘yiladi. Bu haqda “Toshshahartransxizmat” xabar berdi.
Yo‘nalishga MAN RR3 rusumli turistik avtobuslar biriktiriladi. Ushbu avtobuslar 47 o‘rindiqli bo‘lib, konditsionerlar bilan jihozlangan. Yo‘l kira narxi 25 000 so‘mni tashkil etadi.
Birinchi qatnov “Mashinasozlar” metro bekatidan har kuni soat 6:00 da boshlanadi. Qatnovlar har 1,5 soatda amalga oshiriladi. Yo‘l vaqti 1 soat 30 daqiqani tashkil etadi. So‘nggi qatnov soat 20:30 da Chorvoq tomondan amalga oshirilib, soat 22:00 da “Mashinasozlar” metrosida yakunlanadi.
Yo‘nalishdagi avtobuslar harakatini “Mashinasozlar” metrosidan boshlab, Maxtumquli ko‘chasi, Yangi O‘zbekiston bog‘i, Xojikent mavzesi, Chinorkent maskani orqali Humson qo‘rg‘onigacha davom ettiradi.
Yo‘lovchilar to‘lovni naqd pulda yoki bank kartalari orqali amalga oshirishi mumkin.
Ushbu yo‘nalishdagi avvalgi qatnovlar 2025-yil 1-iyuldan yo‘lga qo‘yilib, kuz mavsumida to‘xtatilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
