Janubiy Koreya ijodkorlari tomonidan xorror janrida suratga olingan “Jahannam chaqirigʻi” seriali “Netflix” servisidagi eng mashhur serialga aylandi va bu masalada “Kalmar oʻyini” serialini ortda qoldirdi.
Serial 19-noyabr kuni taqdim etilgan boʻlib, bir sutka davomida dunyoning 80 dan ortiq mamlakatida eng koʻp tomosha qilingan shouga aylangan.
Oltita epizoddan iborat boʻlgan serial rejissyor Yen San Xo tomonidan suratga olingan. U “Pusan poyezdi”, “Bekat”, “Seul” kabi filmlarning ham muallifi hisoblanadi.
Yangi serial 2023-yilda sodir boʻlgan voqealarni aks ettiradi. Odamlar birin-ketin qachon va qay vaqtda vafot etishlari haqida xabar ola boshlaydilar. Tez orada ularni oʻldirish uchun yuborilgan maxluqlar odamlarni topib keladi va ular vafotlaridan keyin jahannamga yuboriladi.
Taxminlarga koʻra, “Jahannam chaqirigʻi” serialining bunchalar mashhur boʻlib ketishiga “Kalmar oʻyini” seriali ham sabab boʻlgan. Uning olamshumul muvaffaqiyatidan keyin Janubiy Koreya filmlariga boʻlgan qiziqish keskin ortib ketgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!