Qirg‘iziston prezidenti Sadir Japarov Dog‘istondagi terakt munosabati bilan Rossiya federatsiyasi prezidenti Vladimir Putinga hamdardlik telegrammasini yubordi.

Japarov jabrlanganlarning qarindoshlari va do‘stlariga hamdardlik bildirib, hujumlar natijasida jabrlanganlarning tez tuzalib ketishini tilagan. Shuningdek, Qirg‘iziston rahbari terrorizmning barcha turlariga qat’iy qarshi ekanligini va Rossiya hukumatining milliy xavfsizligini ta’minlash borasidagi sa’y-harakatlarini qo‘llab-quvvatlashini ta’kidlagan.

Eslatib o‘tamiz, 23-iyun kuni kechqurun noma’lum shaxslar Derbentdagi ibodatxona va cherkovga o‘q uzgan. Shuningdek, Maxachqal’ada politsiya xodimlariga qurolli hujum uyushtirilgan. Dog‘iston ichki ishlar vazirligining ma’lumotlariga ko‘ra, hujum natijasida olti kishi halok bo‘lgan, 12 politsiya xodimi yaralangan. Avvalroq, Dog‘istonda jangarilar Maxachqal’a va Derbentdagi ibodatxonalar va cherkovlarga hujum qilganidan keyin uch kunlik motam e’lon qilingan edi.

• Hamdardlik
• Japarov
• Putin