Kamola Shavkatovna Sobirova O‘zbekiston Respublikasi axborot texnologiyalari va kommunikatsiyalarini rivojlantirish vazirining maslahatchisi lavozimiga tayinlandi. Bu haqda vazirlik axborot xizmati xabar bermoqda.

U AKT vazirligida yoshlar va ayollarni IT sohasiga jalb qilish hamda O‘zbekistonni Mintaqaviy IT-markaziga aylantirish yuzasidan targ‘ibot ishlarini amalga oshirish bo‘yicha faoliyat olib boradi.

Vazirlikning Jamoatchilik va ommaviy axborot vositalari bilan aloqalar bo‘limi boshlig‘i – Matbuot kotibi Sherzod Axmatov o‘z lavozimida faoliyatini davom ettiradi.

Ma’lumot o‘rnida, Kamola Shavkatovna Sobirova (Rahmonova) 1983-yil 13-iyunda Toshkent shahrida tug‘ilgan. Faoliyatini 2001-yili O‘zbekiston milliy teleradiokompaniyasining “Yoshlar” kanalida tarjimonlikdan boshlab, turli xalqaro va mahalliy tashkilotlarda mas’ul vazifalarda davom ettirgan. U rus, ingliz va ispan tillarini biladi. Oilali. 4 nafar farzandi bor.

• AKT
• Maslahat
• Vazirlik