16–20-dekabr kunlari Toshkentda karatening WKF yoʻnalishi boʻyicha oʻsmirlar, yoshlar va kattalar oʻrtasida Osiyo chempionati boʻlib oʻtmoqda.

Birinchi kunda oʻsmirlar yosh toifalarida kata va kumite boʻyicha yakkalik hamda jamoaviy yoʻnalishdagi bahslar oʻtkazildi. Eʼtiborlisi, unda Oʻzbekiston terma jamoasi 1 ta oltin, 1 ta kumush va 3 ta bronza, jami 5 ta medalga sazovor boʻldi.

Yagona oltin medalga 14–15 yoshli oʻsmirlar oʻrtasida +70 kg vazn toifasida kechgan kumite bahslarida Muhammadrizo Abdulatipov egalik qildi.

Dastlabki kun gʻolib va sovrindorlari:

Oltin medal:

Kumite (14-15 yosh), +70 kg: Muhammadrizo Abdulatipov

Kumush medal:

Kumite (14-15 yosh), -52 kg: Humoyunmirzo Halimov

Bronza medal:

Kata (16-17 yosh): Abdulaziz Rasulov

Jamoaviy kata (16-17 yosh), oʻgʻil bolalar

Jamoaviy kata (16-17 yosh), qiz bolalar

Oʻzbekiston karate milliy federatsiyasining maʼlum qilishicha umumiy ishtirokchilar soni 1 000 nafardan ortiq. Jamoamiz unda 59 nafar sportchi bilan ishtirok etmoqda.

• Karate
• Osiyo Chempionati
• O‘zbekiston