Bolalar kitoblarini katta yoshdagilar ham o‘qishlari kerakligini butun dunyo psixologlari va pedagoglari e'tirof etishadi. Insonlar har kuni uchraydigan ma'lumotlar oqimi psixikaga salbiy ta'sir qiladi va depressiyaga ham olib kelishi mumkin. Bolalar kitoblari va multfilmlari hayotga biroz yengillik olib kirib, quvonchga to‘ldirishi, kundalik hayotdan chalg‘itishi mumkin. Mana yana bir qancha sabablar, kattalar nega bolalar adabiyotini o‘qishlari va multfilmlar ko‘rishlari kerakligi haqida.

1. Tasavvurni yaxshilaydi

Kitob o‘qish tasavvurni yaxshilashini hamma biladi. Lekin aynan bolalar adabiyoti insonni noreal olamga olib kira oladi. O‘zgacha personajlar va ularning sarguzashtlari, fantastik olami nafaqat kayfiyatga ijobiy ta'sir o‘tkazadi, balki miyada yangi suratlar paydo bo‘lishida ham yordam beradi.

Rang-barang multfilmlar ham ekrandagi personajlar bilan hamohang bo‘lib ketishingiz yordamida tasavvurni boyishiga yordam beradi.

2. O‘zgarishlarga ilhomlantiradi

Bolalar adabiyotini o‘qish hayotingizda yaxshi tomonga o‘zgarishlar qilishingizga ilhom beradi. Mutaxassislarning fikriga ko‘ra, bolalar adabiyoti insonlarda nafaqat ma'naviy-axloqiy qadriyatlarni shakllantiradi, balki o‘zimizning axloqiy me'yorlarimizni shakllantirishda ham yordam beradi.

Multfilmlar esa, bosh qahramon yordamida sizni hayotingizda ijobiy o‘zgarishlar qilishingiz, qiyin vaziyatlarga ortga chekinmaslik va hayotni yangi sarguzashtlarga to‘ldirish kerakligini o‘rgatadi.

3. Oddiy ammo unutilayotgan qadriyatlarni eslatadi

Yaqinlarga muhabbat, haqiqiy do‘stlik, tabiatni asrash, o‘zaro yordam va ishonch, mo‘jizaga ishonish - asosan bolalar kitoblari va multfilmlari ushbu motivlar bilan to‘ldirilgan. Mualliflar kundalik hayotimizda uchraydigan muammolarni oddiy mavzular orqali yetkazib berishadi. U adabiyotlarni o‘qigan/ko‘rgan holda bizni baxtli qiladigan oddiy kundalik qadriyatlarni eslashimizni ta'minlashadi.

4. Yoqimli xotiralarni yodga soladi

Bolalikdagi sevimli kitobimizni o‘qib yoki multfilm ko‘rib, bolalikdagi yoqimli xotiralar ta'siriga tushamiz. Va agar bolalikda ularni biz shunchaki ko‘ngilochish uchun ko‘rgan bo‘lsak, ulg‘aygan holda ko‘rganimizda esa, undagi chuqur ma'noni tushunishimiz mumkin.

Masalan, "Kichkina shaxzoda" asarini tanqidchilar har xil yosh kategoriyalarida qayta o‘qib chiqish kerakligini ta'kidlashadi. Hayotimiz davomida yig‘ilib borgan tajriba asar qahramonlarini tushunish va ochilmagan qirralarini ochishimizda yordam beradi.

5. Farzandingiz bilan yaqinlashish imkonini beradi

Farzandingiz bilan birga multfilm ko‘rishingiz yoki kitob o‘qib berishingiz nafaqat vaqtingizni quvnoq o‘tkazish, balki u bilan yaqinlashish imkonini ham beradi. Shuningdek, bu farzandingizni bilib olishingiz, tushunishingiz va u atrofidagi olamni qanday qabul qilishini o‘rganishingizning eng yaxshi usulidir.

6. Oddiy so‘zlar bilan qiyin narsalarni tushuntiradi

Multfilm va ertaklardagi qahramonlar juda jiddiy mavzularni ko‘tarishadi va uni oddiy so‘zlar bilan tushuntirishadi. Qahramonlarning fe'l-atvori va ishtiyoqi faqat bolalar uchun emas, kattalar uchun ham namuna bo‘la oladi.

7. Chet tillarini o‘rganish imkoni

Bolalar adabiyotida asosan oson, grammatik qiyin bo‘lmagan so‘zlar ishlatiladi. Chet el multfilmlarini ko‘rish va adabiyoti bilan tanishish chet tillarini o‘rganishingizda yaxshi ko‘makchi bo‘lishi mumkin. Shuningdek, pedagoglar bolalarga kichik yoshlaridan chet tilidagi multfilmlarni qo‘yib berishni tavsiya qilishadi. Bu ular chet tillarini intuitiv tarzda o‘rganishlari va keyinchalik ushbu tilni o‘zlashtirishida qiyinchiliklarga uchramasligini ta'minlaydi.

• Foydali
• qiziqarli