AQSh prezidenti Donald Trampning boyligi sentyabr oyidan buyon 1,1 mlrd dollarga kamaydi, – deya xabar qilmoqda Forbes.

Unga ko‘ra, Tramp boyligining kamayishiga uning oilasiga tegishli “Trump Media and Technology Group” kompaniyasi aksiyalarining keskin arzonlashi va kriptovalyuta bozoridagi pasayishlar sabab bo‘lgan.

Ma’lumotlarga ko‘ra, Trampning umumiy aktivlari hozir 6,2 milliard dollarga baholanmoqda. Sentyabrda bu raqam 7,3 mlrd dollargacha ko‘tarilib, rekord darajaga yetgan edi. Juma kuni DJT tikkeri ostida sotiladigan “Trump Media and Technology Group” kompaniyasi aksiyalari 10,18 ming dollargacha tushib ketdi.

“Trump Media and Technology Group” kompaniyasi moliyaviy muammolarga duch kelmoqda. Kompaniya uchinchi chorakda 973 ming dollarlik daromadga teskari ravishda 54,8 mln dollar zarar qayd etgan. Bitkoindagi 48 mln dollarlik yo‘qotish Cronos kriptovalyutasi orqali 33 mln dollarlik foyda bilan qisman qoplangan.

Ma’lumot uchun, sentyabr holatida Trampning boyligi bir yil ichida 3 milliard dollarga o‘sgan va Forbes 400 ro‘yxatida uni 201-o‘ringa olib chiqqan edi.

• AQSh
• Boylik
• Forbes
• Prezident
• Tramp