2018-yilda Kipr hududidan topilgan maqbaralarda takroran qazishma ishlarini olib borgan arxeologlar hududdan 500 dan ortiq oltin, kumush, bronza va qimmatbaho toshlardan ishlangan taqinchoqlarni topdilar. Ushbu taqinchoqlar Misr malikasi Nefertiti va uning turmush oʻrtogʻi, firʼavn Exnaton davrida yasalgan.

Geteborg universiteti mutaxassislari tomonidan qoʻlga kiritgan topilmalar ichida qoʻngʻiz shaklidagi oltindan yasalgan tumor ham boʻlgan. Nilufar guli koʻrinishida ishlangan va qimmatbaho toshlar bilan bezatilgan marjon esa arxeologlarning diqqatini oʻziga tortgan.

Maqbaradan taqinchoqlardan tashqari 155 ta odam qoldiqlari ham topilgan. Bu yerga eramizdan avvalgi 1500-1350-yillar davomida vafot etgan odamlar dafn qilingan.

Arxeologlar hududga dafn etilganlardan biri badavlat oilaning 5 yoshli farzandi boʻlganini aniqlaganlar. Bolaning jasadi qimmatbaho buyumlar, oltin toj va taqinchoqlar bilan birga koʻmilgan.

Kiprdagi ushbu hududda qazishma ishlari 2010-yilda boshlangan, maqbaralar 2018-yilga kelibgina topilgan. 3000 yildan ortiq vaqt mobaynida yer ostida qolgan suyaklar va tarixiy buyumlarning oʻta nozik boʻlib qolgani arxeologlar uchun yetarlicha muammo tugʻdirgan.

• Tarix
• qiziqarli