Mutaxassislar kollagenli krem va niqoblarni ishlatish rostdan foydali yoki yo‘q, shuni tushuntirdi. Kollagen teri, suyaklar, ligamentlar va mushaklardagi tolalar hosil bo‘lishiga yordam beradigan oqsildir. Kollagen tufayli teri elastik bo‘ladi. Yosh o‘tgan sari inson tanasi kamroq kollagen ishlab chiqarishni boshlaydi, bu esa ajinlar va quruq terining paydo bo‘lishiga olib keladi.

Afsuski, kollagenli mahsulotlar yordamida teringizga g‘amxo‘rlik qilish qarish uchun mo‘jizaviy davo emas. Ular faqat terini namlash va uning tuzilishini yaxshilashga yordam beradi. Ularning teridagi kollagen darajasini oshirishi va qarishni oldini olish haqida hech qanday ishonchli dalil yo‘q.

Tadqiqotlar shuni ko‘rsatadiki, kollagen qo‘shimchalarini qabul qilish terining tuzilishini yaxshilaydi va uni yana-da elastik qiladi. Bundan tashqari, kollagen tufayli teri ko‘proq elastin ishlab chiqaradi, bu terining mustahkamligi uchun javobgardir. Bundan tashqari, kollagen qo‘shimchalari terining namlanishini yaxshilaydi va jarohatni davolashni tezlashtiradi.

• Tibbiyot
• salomatlik