“Manchester Yunayted” yetakchisi Krishtianu Ronaldu yil davomida bir necha yuz million dollar ishlab topishi haqida eshitgansiz. Uning qanday avtomobil boshqarishi ko‘pchilikni qiziqtirishi tabiiy.

Portugaliyalik futbolchining kolleksiyasida 11,5 mln. dollarlik “Bugatti Centodieci” (dunyoda atigi o‘nta ishlab chiqarilgan) va 2,71 mln. dollarlik “Bugatti Chiron” kabi “toychoqlar” bor.

2021 yil oxirida “Netflix” kompaniyasi Ronalduning rafiqasi Jorjina Rodrigesga bag‘ishlangan yangi film suratga oldi. Unda portugaliyalik futbolchining 25 mln. dollarlik superkarlar bilan to‘lgan “garaj”i namoyish etilgan (“Daily Mail”). 

“Manchester Yunayted” yulduzi yuqori baholi avtomobillarning ashaddiy ishqibozi va “Men Jorjinaman” filmining Madriddagi 7 mln. dollarlik uyida suratga olingan kadrlarda ko‘plab superkarlar, jumladan, 2,71 mln. dollarlik “Bugatti Chiron” namoyish etilgan.

Ammo bu UEFA Chempionlar ligasi to‘purarining (140 gol) besh karra g‘olibining eng qimmat mashinasi emas: uning kolleksiyasida 11,5 mln. dollarlik “Bugatti Centodieci” ham bor. Taxminlarga ko‘ra, Bugatti’ning bunday modeli dunyoda atigi o‘nta odamda bor, ular orasida “Yunayted” hujumchisi ham bor ekani uning avtomobil ishqibozi ekanini tasdiqlaydi. Ushbu superkar dvigatelining quvvati 1600 ot kuchiga teng, u 380 km/soat tezlikka erisha oladi.

Ronaldu bir necha yil muqaddam Bugatti uning sevimli avtomobil ishlab chiqaruvchisi ekanligini tan olgan. Biroq, qahramonimizning garajida qiymati 676 ming dollardan ziyod bo‘lgan “Ferrari 599 GTO”, “McLaren Senna” (1 mln. 14 ming dollar), shuningdek, “Rolls-Royce”ning ikkita nusxasi bor: “Cullinan” (405 ming dollar) va “Phantom Drophead” (676 ming dollar).

Shuningdek, futbolchida 2 mln. dollarlik “Bugatti Veyron”, 270 ming dollarlik “Mercedes-Benz S65 AMG”, yorqin to‘q sariq rangli “McLaren MP4-12C” (qiymati 270 ming dollar) va “Lamborghini Aventador” (365 ming dollar) ham bor.

KriRo o‘tgan yil yozda Manchesterga qaytib kelgach, 338 ming yevroga “Bentley Flying Spur” avtomobilini sotib oldi.

Krishtianu Ronalduning umumiy miqdori 24,62 mln. dollar bo‘lgan butun boshli “floti” bilan tanishing:

“Bugatti Centodieci” – 11,50 mln. dollar;
“Bugatti Chiron” – 2,71 mln. dollar;
“Bugatti Veyron” – 2,3 mln. dollar;
“Ferrari Monza” – 1,89 mln. dollar;
“McLaren Senna” – 1,35 mln. dollar;
“Mercedes G-Wagon Brabus” – 812 000 dollar;
“Ferrari 599 GTO” – 676 000 dollar;
“Rolls-Royce Phantom Drophead” – 676 000 dollar;
“Ferrari F12 TDF” – 473 000 dollar;
“Rolls-Royce Cullinan” – 446 000 dollar;
“Lamborghini Aventador” – 352 000 dollar;
“Bentley Flying Spur” – 338 000 dollar;
“McLaren MP4-12C” – 365 000 dollar;
“Mercedes-Benz S65 AMG” – 270 000 dollar;
“Bentley Continental GT” – 204 000 dollar;
“Mercedes AMG GLE 63” – 171 000 dollar;
“Range Rover Sport” – 135 000 dollar;
“Chevrolet Camaro” – 47 000 dollar.

Qayd etish mumkin, Ronalduning umumiy boyligi 2020 yilda 1 mlrd. dollarga yetgan.

• Avtomobil
• Mercedes-Benz
• Ronaldu