Fransiya prezidenti Emmanuel Makron G20 sammiti doirasida Parij Nigerdagi yangi hukumatni tan olmasligi va mamlakat qoʻshinlarini Niger hududidan yagona shart bilan olib chiqishini aytdi.

“Fransiya qoʻshinlari Niger hududiga Nigerning oʻz iltimosiga koʻra joylashtirildi. Fransiyaning bu boradagi pozitsiyasi oddiy: biz buni qoralaymiz, prezidentning ozod etilishi va konstitutsiyaviy tartib qayta tiklanishini talab qilamiz”, – dedi Makron.

Fransiya prezidenti mamlakat qoʻshinini faqatgina prezident Bazumning iltimosiga koʻra, hududdan olib chiqishini qoʻshimcha qildi.

Eslatib oʻtamiz, Nigerda harbiylar iyul oyining soʻnggi kunlarida prezident Bazum hokimiyatdan chetlatilganini maʼlum qilgan edi. Gʻarb va Gʻarbiy Afrikaning aksariyat mamlakatlari Nigerdagi davlat toʻntarishini keskin qoralagan.

• Fransiya
• Niger
• Siyosat