Toshkent shahrining Olmazor tumanida 20-aprel kuni yo‘l-transport hodisasi sodir bo‘ldi. Hodisa vaqtida ikki nafar maktab o‘quvchisi piyodalar o‘tish joyi yaqinida yo‘lni kesib o‘tayotgan bo‘lgan.

Shu paytda Damas avtomobili haydovchisi ulardan birini urib yuborgan. Dastlab haydovchi voqea joyidan ketib qolgan, biroq keyinchalik o‘zi huquqni muhofaza qiluvchi organlarga murojaat qilgan.

Uning so‘zlariga ko‘ra, u bolalarni ko‘rib signal bergan, biroq orqadan signal chalishgani sabab chalg‘ib qolgan va shu vaqt ichida bola yo‘lga chiqib qolgan.

Hozirda holat yuzasidan ma’muriy bayonnomalar rasmiylashtirilgan. Agar jabrlanuvchining tan jarohati yengil deb topilsa, ish ma’muriy tartibda ko‘riladi, og‘ir holatda esa jinoyat ishi qo‘zg‘atilishi mumkin.