O‘zbekiston Markaziy banki Samarqand shahrida o‘tkazilayotgan 46-Butunjahon shaxmat olimpiadasiga bag‘ishlangan esdalik tangalarini muomalaga chiqarishini ma’lum qildi.
Esdalik tangalarining asosiy xususiyatlari va tafsilotlari:
Noyob konsepsiya: Tangalar “Ikki tanga — bir Registon” konsepsiyasi asosida yaratilgan. Oltin va kumush tangalar yonma-yon qo‘yilganda Samarqanddagi Registon maydoni peshtoqining yaxlit tasviri hosil bo‘ladi
Tashqi ko‘rinishi: Tangalarning old tomonida Tillakori madrasasining me’moriy elementlari hamda shaxmat donalari aks etgan. Oltin tangada o‘zbek tilida, kumush tangada esa ingliz tilida olimpada nomi yozilgan. Orqa tomonida esa Xalqaro shaxmat federatsiyasi (FIDE) logotipi, Markaziy bank nomi va nominal qiymati ko‘rsatilgan.
Texnik ko‘rsatkichlari: Tangalar 999,9 asillikdagi qimmatbaho metallardan zarb etilgan bo‘lib, har birining og‘irligi 31,1 grammni, nominal qiymati esa 100 ming so‘mni tashkil etadi.
Adadi: Dastlab 100 dona oltin va 500 dona kumush tanga sotuvga chiqariladi. Bozor talabi va kolleksionerlarning qiziqishidan kelib chiqib, ularning tiraji bosqichma-bosqich oshirilishi mumkin.
31°
Kechasi 18°
