2022-yil 6-avgust kuni Mask “Twitter”ni asl taklif bo‘yicha sotib olishga rozi bo‘lgani, biroq ijtimoiy tarmoq o‘z shartlarini bajarishi bilan botlar uchun akkauntlarning tasodifiy namunasini tekshirishini e’lon qildi.

“Agar “Twitter” 100 ta akkauntni olish usulini va ular autentifikasiya qilish hamda botlarni tekshirish usulini oshkor qilsa, kelishuv dastlabki shartlar asosida amalga oshiriladi. Agar bu jarayon davomida ijtimoiy tarmoq rahbariyati yolg‘on gapirgani ma’lum bo‘lsa, unda hech qanday kelishuv bo‘lmaydi”, – deb yozdi Mask “Twitter” sahifasida.

Darhaqiqat, Mask “Twitter” 100 ta tasodifiy akkauntlarni sinab ko‘rishini kutmoqda, bunda ular haqiqatda o‘rtacha 5 foizdan kam bot yoki soxta ro‘yxatdan o‘tishlar borligini ko‘rsatadi, chunki kompaniyani sotib olishdan oldin unga aytilgan edi. Ilon Maskning ma’lumotlari va jamoasi tomonidan olib borilgan dastlabki tadqiqotlarga ko‘ra, ijtimoiy tarmoqdagi soxta akkauntlar soni kamida 20 foizni tashkil qiladi.

“Men Parag Agravalga (bosh direktor) “Twitter”dagi botlarning ulushi haqidagi jamoatchilik muhokamasiga qarshi chiqyapman. U jamoatchilikka “Twitter”da har kuni 5 foizdan kam soxta yoki spam foydalanuvchilari borligini isbotlasin”, – dedi Mask.

2022-yilning 5-avgustida “Twitter” Delaver kanseriyasi sudiga Maskning ijtimoiy tarmoqdagi qimmat auditdan tejab qolgani va Botometer xizmatiga ishonganligi haqida dalillar taqdim etgan.

“Twitter” sudga Mask qilgan soxta akkauntlar va spam-akkauntlarni hisoblash mexanizmini tushuntirdi. Ma’lum bo‘lishicha, uning advokatlari sotib olish shartnomasini tuzishdan oldin ijtimoiy tarmoqning ichki hujjatlarini ko‘rib chiqishdan bosh tortgan. Mask go‘yo bu prosedurani “juda qimmat va samarasiz” deb hisoblagan. Natijada Maskning advokatlari maxsus uchinchi kompaniya ko‘magida korporativ audit o‘tkazish o‘rniga ommaviy internet xizmati bo‘lgan Botometerni tanlagan.

“Twitter”ning da’vo qilishicha, Botometer ijtimoiy tarmoqdagi akkauntlar parametrlarini noto‘g‘ri tahlil qiladi. Ushbu xizmatni tekshirish tizimi hatto Maskning o‘zi ham bot bo‘lish ehtimoli yuqori ekanligini ko‘rsatgan.

“Xo‘sh, endi bot kim, do‘stim?” – deya so‘radi ijtimoiy tarmoq huquqshunoslari Ilon Maskdan. “Twitter” vakillarining fikricha, Mask Botometrning noto‘g‘ri ma’lumotlari tufayli o‘zining g‘arazli maqsadlari uchun ataylab botlar soni haqidagi buzilgan ma’lumotlarni tarqata boshlagan.

• Ilon_Mask
• SpaceX
• Tesla
• Twitter