Rossiya Federatsiyasi Xavfsizlik kengashi raisi o‘rinbosari Dmitriy Medvedevning “VKontakte” sahifasiga buzib kirilgan. Ushbu voqea bilan ijtimoiy tarmoq ma’muriyati va vakolatli organlar shug‘ullanmoqda. Bu haqda bugun, 2-avgust kuni Medvedevning yordamchisi Oleg Osipov jurnalistlarga bergan interviyusida ma’lum qildi.

“Post uchinchi tomon foydalanuvchisi tomonidan chop etilgan. Ayni damda ijtimoiy tarmoq ma’muriyati va xavfsizlik guruhi hamda vakolatli xizmatlar bilan hamkorlikda ish olib bormoqda. Hodisa sabablari aniqlamoqda”,– deydi Osipov.

Shuningdek, Medvedevning yordamchi sahifani kim buzib kirgan bo‘lsa, qattiq jazolanishiga ishora qildi.

Ma’lumot uchun, bugun, 2-avgust kuni Rossiya Federatsiyasi Xavfsizlik kengashi raisi o‘rinbosari Dmitriy Medvedev VKontakte sahifasida Qozog‘izston va Gruziyaga bag‘ishlangan provakatsion post joylashtirilgani haqida xabar qilingan edi. Unda Qozog‘iston sun’iy davlat ekani va Gruziya hozirgi chegarasiga Rossiya sharofati bilan erishgani haqida yozilgan edi.

Medvedevning akkauntiga qilingan ushbu hujum birinchisi emas. 2013- yilda hakkerlar uning “VKontakte” ijtimoiy tarmog‘idagi akkauntiga vaqtincha kirishga muvaffaq bo‘lishgan. Ammo akkaunt ustidan nazorat tezlik bilan qayta tiklangan.

• Medvedev