AQSh prezidenti Jo Bayden “Milton” to'foni AQShga yetkazgan zararni taxminan 50 milliard dollarga baholadi.

Uning so‘zlariga ko‘ra, hukumat tabiiy ofat bilan kurashish uchun barcha zarur resurslarni taqdim etadi. Bundan tashqari, Bayden 12-oktyabr kuni Floridaga “Milton”dan zarar ko‘rgan hududlarni o‘rganish uchun boradi.

Bloomberg nashri ma’lumotlariga ko‘ra saylovoldi poygasi doirasida bo‘lib o‘tadigan bu jonbozliklar amerikalik saylovchilarni Bayden va vitse-prezident Kamala Xarris to‘fon oqibatlarini bartaraf etish uchun qo‘llaridan kelganini qilayotganiga ishontirishga qaratilgan.

Uning yana bir maqsadi sobiq respublikachi prezident Donald Trampning ma’muriyat yetarlicha ish qilmayotgani va taklif qilinayotgan yordam miqdori bo‘yicha yolg‘on da’volarni rad etishdir.

• AQSh
• Bayden
• Tabiiy ofat