Leonardo da Vinchi tomonidan chizilgan “Mona Liza” suratining noyob nusxasi “Artcurial” kimoshdi savdo uyi tomonidan 210 ming yevro (242,6 ming dollar) evaziga sotildi. Savdo-sotiq jarayoni Fransiyaning Parij shahrida boʻlib oʻtgan.
Ekspertlar suratning 150-200 ming yevro evaziga sotilishini taxmin qilgan edilar.
Afsonaviy suratning ushbu nusxasi aynan qachon yaratilgani maʼlum emas. Ammo, uning XVII asrda chizilgani va 1518-yillar atrofida Fransiya qiroli Fransisk І tomonidan sotib olingani taxmin qilinadi. Ayni vaqtda suratning asl nusxasi Parijdagi Luvr muzeyida saqlanadi.
Joriy yilning iyun oyida yevropalik kolleksiyachi “Mona Liza” suratining XVII asrda ishlangan nusxasini 2,9 million yevro evaziga sotib olgandi. Bu mazkur surat nusxalari sotilgan rekord summa hisoblanadi. 2017-yilda esa da Vinchining boshqa bir asari – “Xaloskor” surati 450 million dollar evaziga sotilgan va dunyodagi eng qimmatbaho surat nomini qoʻlga kiritgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!