“Motorola” kompaniyasi sun’iy yo‘ldosh messenjeriga ega birinchi smartfonni taqdim etdi. Endilikda hatto Everestdan xabar yuborish mumkin, bu xususiyat “iPhone”ning so‘nggi modellarida ham mavjud emas.

Yangi smartfonlar, masalan, “iPhone 14”, sun’iy yo‘ldosh ulanishiga ega, biroq bu cheklangan: favqulodda vaziyatlarda faqat maxsus xizmatlarga SOS signallarini yuborish mumkin. Taniqli Amerika kompaniyasi yanada murvakkab yo‘ldan bordi va o‘rnatilgan sun’iy yo‘ldosh messenjeriga ega birinchi Android smartfon – “Defy 2” ni taqdim etdi.

Asosiy xususiyat

Qurilma “Bullitt Satellite Messenger” ilovasi bilan oldindan jihoxlangan bo‘ladi. Bu oddiy “xabarlar” xizmatining analogidir, ammo bitta xususiyatga ega. Xatlar uch xil usulda yuborilishi mumkin:

Smartfon Wi-Fi yoki uyali tarmoqqa ulangan – xabarlar “Telegram” yoki “WhatsApp” ijtimoiy tarmog‘idagi singari Internet orqali bepul yuboriladi;

Smartfon internetga ulanmagan, lekin tarmoqqa kirish imkoniyati mavjud – xabarlar foydalanuvchining uyali tarifiga muvofiq yuboriladi;

Tachavvur qiling, internetga ulanish yoki uyali aloqa yo‘q – smartfon geostasionar sun’iy yo‘ldoshga ulanadi va u orqali dunyoning istalgan nuqtasidan xabar yubora oladi.

Funksiya obuna asosida mavjud, biroq birinchi yil bepul. Keyin yiliga 4,99 AQSH dollari. Abonent to‘lovi 30 ta sun’iy yo‘ldosh xabarlarini va favqulodda xizmatlarga cheksiz miqdordagi SOS signallarini o‘z ichiga oladi.

“Motorola Defy 2”ning asosiy xususiyatlari:

Ekran: 6,6 dyuym, FHD+, IPS, 120 Gs, “Gorilla Glass Vitus” (“Corning” tomonidan ishlab chiqarilgan temperli oynaning so‘nggi avlodi);
Chip: “MediaTek Dimensity 930”;
Batareya: 5000 mA/soat (15 Vt tez zaryadlash);
Kameralar: asosiy 50 MP, keng burchakli 8 MP, makro modul 2 MP, old kamera 8 MP;
Himoya: IP68 va IP69K;
Xotira: ko‘rsatilmagan;
Tizim: Android 12 dan Android 14 gacha yangilanish xususiyati.

Boshqa qulayliklar qatorida, orqa panelda barmoq izlari skaneri, UCB-C porti, mikroSD uyasi va 3,5 mm o‘tkazgich mavjudligini ta’kidlash joiz. Kamchiliklari: plastik quti, eskirgan dizayn va ekran atrofidagi dahshatli ramkalar.

Mavjudligi

“Motorola Defy 2”ga oldindan buyurtmalar AQSH va Kanadada allaqachon ochiq. Narxi – 599 AQSH dollari (joriy kurs bo‘yicha 6 750 000 so‘m). Boshqa mamlakatlarda smartfon CAT S75 nomi bilan sotiladi. Hozircha O‘zbekistonda mavjudligi haqida ma’lumot yo‘q.

• Motorola
• Smartfon
• iPhone