Namangan – Samarqand yo‘nalishida harakatlanib ketayotgan yuk avtomobili Samarqand viloyati Bulung‘ur tumanidagi “Yuqori nuqta” YPX maskanida to‘xtatilib tekshirilganda, avtomashina yukxonasida jami og‘irligi 2 tonna bo‘lgan mol go‘shti borligi aniqlangan.

Shundan so‘ng, 28 yoshli haydovchi boshqaruvidagi Shineray T30 rusumli avtomashinaga yuklangan ushbu go‘sht mahsulotlarining iste’molga yaroqliligi bo‘yicha xulosa olish uchun “Samarqand viloyat hayvonlar kasalliklari tashxisi va oziq-ovqat mahsulotlari xavfsizligi davlat markazi”ga jo‘natilgan.

Muassasa xulosasida ushbu go‘sht mahsulotlari iste’molga yaroqsizligi aniqlangan va belgilangan tartibda yo‘q qilingan.

• Go‘sht
• Samarqand
• YPX