Joriy yilning 5-mart kuni Navoiy viloyatida radioaktiv modda sotayotgan shahslar qo‘lga olindi. Bu haqda IIB jinoyat qidiruv bo‘limi xabar berdi.

Qayd etilishicha, joriy yilning 4-mart kuni Navoiy viloyati IIBga fuqaro ariza bilan murojaat qilib, u o‘z arizasida, Navoiy viloyati Navbahor tumanida yashovchi ikki nafar shaxs noqonuniy ravishda “Radiy” moddasini 50 000 AQSH dollariga sotmoqchi ekanini ma’lum qilib, ularga nisbatan qonuniy chora ko‘rishni so‘ragan.

Qayd etilishicha, mazkur arizaga asosan, 5-mart kuni Navoiy viloyati IIB JQB Korrupsiya va iqtisodiy jinoyatlarga qarshi kurashish bo‘limi, DXX Navoiy viloyati boshqarmasi hamda Navbahor tumani IIB xodimlari hamkorligida o‘tkazilgan tezkor tadbir jarayonida, Navbahor tumani “Qalqonota” mahallasida joylashgan “Shukrona” to‘yxonasi oldida ikki nafar shaxs bir dona shisha idishga joylashtirilgan “Radiy Ra 226 02 5” yozuvli 250 gr radioaktiv materialni maxsus xaridorga 50 000 AQSH dollariga sotayotgan vaqt ashyoviy dalillar bilan ushlangan.

Holat yuzasidan Navbahor tumani IIB huzuridagi Tergov bo‘linmasi tomonidan Jinoyat kodeksining 252-moddasi 2-qismi “b” bandi bilan jinoyat ishi qo‘zg‘atilib, gumonlanuvchilar belgilangan tartibida ushlanganlar.

Jinoyat ishi yuzasidan tergov harakatlari olib borilmoqda.

• IIB
• IIBB
• Jinoyat
• Navoiy
• Radiatsiya