Joriy yilning 14-iyul kuni “Kung-Fu Panda: Ajdarho ritsari” multfilmining premyerasi bo‘lib o‘tdi. Bu panda Po hikoyasining birinchi davomi emas: uchta to‘liq metrajli filmdan tashqari, turli yillarda bu qahramon haqida seriallar va qisqa metrajli filmlar suratga olingan. Ammo har bir yangi loyiha avvalgisidan yomonroq ko‘rinaveradi va “Kung-Fu Panda: Ajdarho ritsari” ham bundan mustasno emas edi. Endilikda “Netflix” multfilm merosini yo‘q qilishni o‘z “zimmasiga oldi”.

Serialning syujeti oddiy: yovuz odamlar qishloqqa hujum qilib, sehrli qo‘lqopni o‘g‘irlab ketishadi va Po ularni to‘xtata olmaydi. Buning uchun imperator pandani Ajdaho jangchisi unvonidan mahrum qiladi, chunki jinoyatchilar o‘g‘irlangan buyum yordamida Xitoyni yo‘q qilishlari mumkin. Po o‘zining eng yaxshi nomini qaytarish uchun yomon odamlarni topishga va sehrli qurollarni olib kelishga qaror qiladi. Angliyalik ayiq-ritsar Uondering Bleyd pandaning yordamchisiga aylanadi.

“Kung-Fu Panda: Ajdarho ritsari” multserialining kamchiliklari nimada?

Multfilm avval yaratilgan trilogiyadan deyarli hech narsa o‘zlashtirmagan, garchi u qiziqarli topilmalar ombori bo‘lsa ham. Buning o‘rniga yangi “Kung-Fu Panda” ixtiro qilinadi, bu esa qiziqarli mustaqil tomosha bo‘la olmaydi.

Mantiqsiz syujet

Esingizda bo‘lsa, Po sehrli qo‘lqopni o‘g‘irlagan jinoyatchilarni to‘xtata olmaydi va buning uchun “Ajdarho jangchisi” unvonidan mahrum bo‘ldi. Agar filmning uch qismini e’tibor bilan tomosha qilmagan bo‘lsangiz, bu holat siz uchun mantiqiydek tuyulishi mumkin.

Gap shundaki, “Ajdarho jangchisi” unvoni hujjat yoki sertifikat tarzida berilmagan. Po jangchilikka yillar davomida ustozi – Shifu boshchiligida tayyorlanadi, chunki u saroyga kelganida bashorat amalga oshadi va bu Kung Fu Pandaning birinchi qismida sodir bo‘ladi. Ikkinchi va uchinchi qismlar Po Ajdar jangchisi ekanligi bilan bog‘liq bo‘lib, uning maqomi o‘zgarmasdir.

Birinchi epizodda Bleyd o‘g‘rilarni qo‘lga olishda yordam berish uchun Poning oldiga keladi. Po esa ushbu britpniyalik ayiqni jinoyatchilardan biri, deb o‘ylaydi va xato qiladi, shundan keyin qahramonlar jang qilishadi. Ammo bu jarayonda ular talashadigan hech narsasi yo‘qligini tushunib, suhbatga o‘tishadi. Bleyd o‘g‘rilarning orqasidan borishini va Poga yordam berish uchun ko‘ngilli jangchi ekanligini isbotlaydi. Shunda qahramon yordamga muhtoj emasligini aytadi, chunki u doimo yolg‘iz ishlashini ma’lum qiladi.

Yomon animatsiya

“Kung Fu Panda”ning birinchi qismi 2008 yilda chiqarilgan. O‘shandan beri 14 yil o‘tdi, bu vaqt ichida multfilmlar oldinga katta qadam tashladi, o‘sha yillarning eng yaxshi texnologiyalarini hozirgilari bilan solishtirib bo‘lmaydi.

Ammo “Netflix” mutlaqo tasavvur qilib bo‘lmaydigan tarzda asl filmdan ko‘ra eskiroq ko‘rinadigan film yaratdi. Zamonaviy animatsiya imkoniyatlarini namoyish etadigan robotlarni “Netflix” mahorat bilan namoyish etib kelayotganini inobatga olsak, bu, ayniqsa, g‘alati tuyuladi.

“Kung-Fu Panda: Ajdarho ritsari” filmida qahramonlar yog‘ochdan yasalgan. Katta farqni ko‘rish uchun trilogiyaning birinchi qismidagi har qanday epizodni ko‘rib chiqish kifoya. Asl mobilning qahramonlarigina emas, balki ularning har biri o‘z uslubiga ega edi. Gʻoz va cho‘chqa boshqacha harakat qiladi, panda yo‘lbarsga o‘xshamaydi va hokazo.

Qahramonlarning yuzlari bilan bir xil muammo mavjud. Artikulyasiya va ovoz bilan bog‘liq muammolar bor, shuningdek hissiyotlar yetkazilmagan. Animatorlar Poning qiyofasini doimgidek hazilkash va har birr vaziyatga reaksiya bildira oladigan qiyofada yaratishgan, biroq sherigining yuzi his-tuyg‘ularni umuman ifodalamaydi. Ba’zan u buni niqob ortiga yashiradi.

Yangi salbiy qahramonlar

Po yordamchisi Bleyd bilan Xitoyni qutqarish uchun ketadi. Angliyalik ritsar qiz ko‘rinishidan “Taxtlar o‘yini” filmidagi Brienna Tarfning nusxasiga o‘xshaydi. Bu nafaqat tashqi ko‘rinishga, balki xatti-harakatlarga ham tegishli – u sovuq qiyofali, sokin va o‘ta jiddiy. Ammo agar Brienna kattalar dramasining murakkab qahramoni bo‘lsa, u holda Beyd zerikarli komedik multfilm qahramoni bo‘lib chiqadi.

Bundan tashqari, uning jinsi shaxsiy xususiyatlardan ko‘ra ko‘proq rol o‘ynaydi. Masalan Po va Bleyd o‘rtasidagi suhbatda ayol jangchilar qanday qilib ritsar bo‘la olishi haqida gap ketadi.

Ikki ariq sichqoni yovuz qahramon sifatida harakat qiladi. Ular makkor, lekin juda oddiy. Asl trilogiyada yovuz odamlar sirli va murakkab taqdirlarga to‘la edi, ammo ular o‘zlarini yosh bolalar kabi tutadilar.

Yangi qahramonlar muammosi nafaqat xatti-harakatlarida, balki tashqi ko‘rinishida ham mavjud bo‘lib, ular boshqa multfilm qahramonlariga o‘xshaydi.

Animatsiyaning afzalliklari nimada?

“Kung-Fu Panda” hali ham kulgili bosh qahramon mavjud bo‘lgan kulgili shou. Pandaning yakkaxon sahnalari haqiqatan ham asl trilogiyani eslatadi, bu franchayzing esa muxlislariga yoqadi.

Bu sifatli multfilmning davomi ekanligini hisobga olsak, faqat bitta ijobiy xususiyatning mavjudligini muvaffaqiyatsizlik sifatida baholash mumkin.

Shu bilan birga, dialoglar zerikarli bo‘lib chiqdi, Poning boshqa qahramonlar bilan muloqoti unchalik qiziq emas. Yangi qahramonlar mustaqillikdan mahrum: Po hazillashganida, qolganlari maneken bo‘lib xizmat qiladi.

“Kung-Fu Panda: Ajdarho ritsari” tomosha qilishga arziydimi?

Ehtimol, bunday davomi bilan o‘zingizni qiynagandan ko‘ra, asl trilogiyani qayta ko‘rib chiqish yaxshiroqdir. Ha, Po hali ham kulgili, lekin hozir uning atrofida yorqin va qiziqarli dunyo emas, balki zerikarli qahramonlar bilan xiralashgan animatsiya mavjud.

Film bolalarga yoqadimi, bu alohida savol. Trilogiyaning uzoq vaqtdan beri ishqibozi bo‘lgan bolalar uchun bu shunchaki asl nusxani masxara qilish bo‘ladi xolos.

Po rolini avvalgi yillarda bo‘lgani kabi Jek Blek ovozlashtirgan. Anjelina Joli va Jeki Chan ovoz bergan yo‘lbars hamda maymun singari qahramonlar ushbu filmda mavjud emas.

• Bolalar bog‘chasi
• Kung-Fu Panda
• Multfilm