D vitamini va uning organizmga qanday taʼsir koʻrsatishini oʻrganish uchun koʻplab tadqiqotlar oʻtkazilgan. Ularning yordami bilan olimlar inson organizmida D vitamini metabolitlarining bir qator retseptorlari mavjud ekani, ushbu retseptorlar bosh miyaning butun yuzasi boʻylab joylashganini aniqlaganlar. Bu esa D vitaminining kayfiyatni nazorat qilish va kognitiv funksiyalarga bevosita bogʻliq ekanligini koʻrsatadi.

D vitamini bosh miya salomatligi bilan bir qatorda oshqozon-ichak traktiga ham ijobiy taʼsir etadi. Bu esa uning nafaqat ruhiy, balki jismoniy salomatlikka ham bevosita taʼsir koʻrsatishidan darak beradi.

Tadqiqotchilar D vitamini kayfiyatga bevosita taʼsir koʻrsatadi degan fikrda. Ular tadqiqotlar natijasidan kelib chiqib, D vitamini tanqisligi mavjud odamlarning kayfiyati aksariyat holatlarda tushkun boʻlishini isbotlab berishgan.

• Foydali
• salomatlik