Milliy statistika qo‘mitasi 2026-yilning 1-yanvar holatiga ko‘ra O‘zbekiston demografik ko‘rsatkichlari statistikasini ma’lum qildi.

Xabarga ko‘ra, respublikada aholining umumiy soni 38 million 236,7 ming kishiga yetgan. Bunda ayollar soni 18 million 979,0 ming nafar bo‘lsa, erkaklar 19 million 257,7 ming kishini tashkil qiladi. Umumiy statistikada ayollar 49,6 foiz, erkaklar esa 50,4 foiz ulushga ega.

Mamlakatda shaharlarda istiqomat qiluvchi aholi soni 19 million 471,7 ming kishiga, qishloqlarda yashovchilar esa 18 million 765,0 ming kishiga yetgan. O‘rtadagi farq 706,7 ming kishidan oshadi.

Hisobot davrida qonuniy qayd etilgan nikohlar soni 267,1 mingta bo‘lsa, ajrimlar soni esa 46,9 mingtani tashkil qilgan.

Shuningdek, respublikaga chet eldan ko‘chib kelganlar 1 159 tani tashkil etgan, 10 117 kishi esa ko‘chib ketgan.

• O‘zbekiston
• aholi soni
• statistika