Respublika OITSga qarshi kurash markazi direktori oʻrinbosari Gulifor Normuratova tizimda 2022-yilda olib borilgan ishlar hamda joriy yilda rejalashtirilgan chora-tadbirlar haqida maʼlumot berdi.
Unga koʻra, odamning immunitet tanqisligi virusi (OIV) kasalligi bilan bugungi kunda Oʻzbekistonda 45 mingdan ortiq shaxslar yashab kelmoqda.
Keltirilishicha, 63 ta tumanlararo OIV diagnostik laboratoriyalar OITSga qarshi kurashish markazlari tasarrufiga oʻtkazilib, zarur tibbiy uskunalar bilan jihozlandi, har bir viloyat yuqumli kasalliklari negizida 5 tadan 40 tagacha OIV bemorlarga xizmat koʻrsatadigan oʻrinlar tashkil etilgan.
Bemorlarga qulayliklar yaratish maqsadida 260 ta yuqumli kasallik xonalari mutaxassislari qayta oʻqitilib, tayyorlangan va OITSga chalingan bemorlarni davolash ishlariga jalb etilgan.
OIV infeksiyasiga tekshiruvlar soni 700 mingdan 3,5 millionga yoki 5 barobarga ortgan. Hukumat tomonidan dori vositalarini moliyalashtirish 80%ni tashkil etib, Xalqaro tashkilotlar tomonidan 20% holatlarda dorilarni Oʻzbekistonga olib kirilishi hamda kasallik aniqlanishi bilanoq, barcha bemorlarga dori vositalarini berib borish yoʻlga qoʻyilgan.
Onadan bolaga OIV infeksiyasini yuqishini oldini olish maqsadida har yili 600 nafar shu kasallikka chalingan bolalarga quruq sut mahsulotlari olib berilmoqda.
18 yoshgacha boʻlgan OIV infeksiyasiga chalingan bolalarga ijtimoiy nafaqalar berib borilishi yoʻlga qoʻyilgan.
Shuningdek, qoʻshimcha qilinishicha, BMT Bosh Assambleyasi tomonidan 2030-yilga borib OIV epidemiyasiga barham berish uchun “95-95-95” strategiyasiga asosan OIV infeksiyali shaxslarning 95 foizi oʻz maqomini bilishlari, 95 foizi maxsus davolash kurslari bilan qamrab olinishlari hamda 95 foizi qonida virus yuklamasi aniqlanmaydigan darajaga tushishiga erishiladi.
Joriy yilning 20-yanvarida qabul qilingan “Aholi orasida OIV infeksiyasi tarqalishiga qarshi kurashish samaradorligini oshirishga doir 2023–2027-yillarga moʻljallangan kompleks chora-tadbirlar dasturi”ni amalga oshirish maqsadida 120 mlrd. soʻm va 54 mln. dollar yoʻnaltiriladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!