O‘zbekistonda koronavirus infeksiyasiga qarshi qo‘llanilgan jami vaksinalar soni 52,9 million dozadan oshdi. Bu haqda Sanitariya-epidemiologiya xizmati xabar berdi.
 
Qayd etilishicha, 14 may mamlakatimiz hududlari bo‘ylab 119 ming 826 doza COVID-19’ga qarshi vaksina qo‘llanildi. Ulardan:

1-bosqich emlanganlar 3 153 nafarni, 
2-bosqich emlanganlar 8 856 nafarni,
3-bosqich va buster doza bilan emlanganlar 107 817 nafarni tashkil qilgan.
 
Ayni kungacha mamlakatimizda jami 52 989 194 doza vaksinadan foydalanildi. Ulardan:

1-bosqich emlanganlar 20 mln. 300 ming 311 nafarni, 
2-bosqichda emlanganlar 16 mln. 383 ming 489 nafarni,
3-bosqich va buster doza bilan emlanganlar 16 mln. 305 ming 394 nafarni tashkil qildi. 

Kecha emlash ko‘rsatkichlari bo‘yicha yuqori o‘rinlarni:

Toshkent shahri (17 597 doza),
Samarqand viloyati (15 273 doza), 
Toshkent viloyati (10 950 doza) band qildi.

Ta’kidlanishicha, birinchi doza bilan emlanish ko‘rsatkichi emlanishi rejalashtirilgan qatlamga nisbatan 94,6 foizni tashkil qilmoqda.

Emlash jarayonlari davom etmoqda.

• Vaksina
• koronavirus