Endilikda yopiq sud majlisi muhokamasi tafsilotlarini sudning ruxsatisiz oshkor qilgan shaxs jinoiy javobgarlikka tortiladi. Joriy yilning 26-sentyabr kuni ayrim qonun hujjatlariga o‘zgartirishlar kiritildi.

Qayd etilishicha, ishni yopiq sud majlisida ko‘rish uchun asoslar mavjud bo‘lganda sud ishni yopiq sud majlisida ko‘rish to‘g‘risida ajrim chiqaradi.

Ajrim chiqarilgan yopiq sud majlisida ishtirok etayotgan shaxslar sud muhokamasi ma’lumotlarini sudning ruxsatisiz oshkor qilmaslik to‘g‘risida ogohlantirilib, ulardan tilxat ham olinadi.

Tilxatda mazkur majburiyatni buzganlik uchun Jinoyat kodeksining 239-moddasi, ya’ni surishtiruv yoki dastlabki tergov ma’lumotlarini oshkor qilish bilan javobgarlik belgilanishi haqida ogohlantirish ham aks ettiriladi.

Qonun 26-sentyabrdan kuchga kirdi.

• Huquq
• Qoidabuzarlik
• Sud