Pokiston hukumati sobiq tashqi ishlar vaziri, muxolif “Adolat uchun harakat” rahbari Shoh Mahmud Qurayshiyni hibsga oldi. Siyosatchining hibsga olinish sababi hozircha ochiqlanmagan.

Qurayshiy avgust oyi boshida Islomobod sudi tomonidan korrupsiyada ayblanib, uch yillik qamoqqa hukm qilingan Imron Xondan keyin partiyaga boshchilik qilib kelayotgan edi.

Tergov idoralarining o‘tgan yilgi murojaatiga binoan, Xonga nisbatan Yaqin Sharq davlatlari yetakchilari tomonidan berilgan sovg‘alar sotuvi bilan bog‘liq noqonuniy harakat – firibgarlik va hujjatlarni soxtalashtirish ayblovi qo‘yilgan.

Tergov davomida sobiq hukumat rahbari va turmush o‘rtog‘i tomonidan davlat xazinasidan kamida 52 ta sovg‘a o‘zlashtirilgani aniqlangani aytilgan. Buyumlarning bozor qiymati jami 154 rupiy, taxminan ikki million dollarni tashkil qilgan. Bu esa unga nisbatan jinoiy ish qo‘zg‘atishga asos bo‘lgan.

Imron Xon esa barcha ayblovlarni rad etgan.

Sobiq hukumat raisiga nisbatan yuzdan ziyod boshqa ayblovlar orasida shunisi eng katta shov-shuvga sabab bo‘lgan.

Xonga ishonchsizlik bildirilganidan keyin, u 2022-yil 10-aprel kuni Vazirlar Mahkamasi raisi lavozimidan chetlashtirilgan edi.

• Imron Xon
• Pokiston