Xitoylik olimlar oʻtkazilgan tadqiqotlar natijasida qahva isteʼmoli erta oʻlim xavfini 30 foizga kamaytirishini isbotlab berdilar. Ushbu mavzuga doir tadqiqot Guanchjou viloyatining Janubiy tibbiyot universiteti mutaxassislari tomonidan oʻtkazilgan.

Tadqiqotchilar 7 yil davomida 171 ming nafar britaniyalik fuqaroning holatini uzluksiz ravishda kuzatishgan. Oʻtgan yillar davomida 3177 nafar koʻngilli vafot etgan. Yosh, jins, millat, taʼlim darajasi, zararli odatlar va vazn indeksi kabi omillarni hisobga olgan mutaxassislar qahva ichishni xush koʻradigan insonlarda toʻsatdan vafot etish xavfi kamroq boʻlishini qayd etishgan.

Olimlarning aytishlaricha, ichiga shakar solib tayyorlangan qahva ham organizm uchun foydali. Tuyilgan, eruvchan va kofeinsiz qahva isteʼmol qilgan tadqiqot ishtirokchilarining barchasida natija deyarli bir hil boʻlgan.

• Foydali
• salomatlik
• tadqiqot