31°
Kechasi 18°
Insoniyat tarixidagi eng serfarzand ota kim ekanligini bilasizmi? 226 gramm vazn bilan dunyoga kelib, yashash uchun kurashgan chaqaloq haqida eshitganmisiz?
Eng katta vazn bilan dunyoga kelgan bola
Ginnes rekordlari kitobi bergan rasmiy maʼlumotlarga koʻra, eng katta vazn bilan dunyoga kelgan chaqaloqning ogʻirligi tugʻruqning ilk daqiqalarida 10,2 kilogrammni tashkil qilgan. Bolakay 1955-yilda Italiyaning Averse shahrida dunyoga kelgan. 1879-yilda vazni 11 kilogrammga teng keladigan chaqaloq dunyoga kelgani ham qayd etilgan, ammo bola tugʻiliboq hayotdan koʻz yumgan.
Eng kichik vazn bilan dunyoga kelgan chaqaloq
Germaniyada tugʻilgan Emiliya Grabarchik 226 gramm vazn bilan 2016-yilda, homiladorlikning 26-haftasida dunyoga kelgan. Tugʻilgan vaqtida uning oyoqlari oʻlchami katta odamning qoʻl tirnoqlari oʻlchami bilan teng boʻlgan.
Eng serfarzand ona
Rasmiy maʼlumotlarga koʻra, tarixdagi eng serfarzand ona Valentina Vasileva ismli rus ayoli boʻlgan. U 1725-yildan 1765-yilga qadar 69 ta farzandni dunyoga keltirgan. Ayol 27 marta ona boʻlgan, 16 marta ikkitali egizak, 7 marta uchtali egizak va 4 marta toʻrttali egizak koʻrgan. Ayol dunyoga keltirgan bolalarning faqat ikkitasigina chaqaloqlik paytlarida vafot etgan, qolganlari yashab ketishgan.
Birdaniga dunyoga kelgan egizaklar soni boʻyicha rekord
Maʼlumotlarga koʻra, tarixda ikki marta 11 tali egizak dunyoga kelgan. Bunday holat 1971-yilda AQSh va 1977-yilda Bangladeshda qayd etilgan. Har ikki holatda ham chaqaloqlar tugʻiliboq nobud boʻlishgan. Bugungi kunga qadar egizaklarning barchasi yashab qolgan jahon rekordi 2008-yilda AQShda oʻrnatilgan. Nadi Suleyman ismli ayol EKO usuli yordamida 8 nafar egizakning onasiga aylangan, egizaklarning barchasi yashab qolishgan.
Tarixdagi eng serfarzand ota
1672-1727-yillarda hayot kechirgan Marokash sultoni Mulay Ismoil bin Sharif insoniyat tarixidagi eng serfarzand ota deb tan olingan. Ginness rekordlari kitobida keltirilgan maʼlumotlarga koʻra, sultonning 888 nafar farzandi boʻlgan, tarixiy manbalarda esa sulton 1171-marta ota boʻlgani qayd etilgan. Sultonning 4 ta rafiqasi, 500 dan ortiq joriya hayot kechirgan ulkan harami boʻlgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
