31°
Kechasi 18°
Samarqand viloyati IIB Matbuot xizmati xabariga ko‘ra, Samarqand shahar bo‘yicha IIO FMB xodimlari tomonidan 2008-yilda tug‘ilgan shaxs xaridorga 10 dona qo‘lbola usulda yasalgan pirotexnika vositalarini 250 ming so‘mga hamda 1 dona yarim litrli yelim idishdan yasalgan pirotexnika vositasini 600 ming so‘mga sotayotgan vaqtda ushlangan.
Tezkor surishtiruv ishlari davomida uning yashash xonadoni ko‘zdan kechirilganda 22 dona yelim idish qopqog‘idan yasalgan va 6 dona izolentaga o‘ralgan jami 28 dona qo‘lbola usulda yasalgan pirotexnika vositalari hamda 200 gramm oltingugurt vositasi hujjatlashtirib olindi.
Ushbu shaxs bilan olib borilgan tezkor surishtiruv ishlari natijasida, uning 2009-yilda tug‘ilgan tanishi qo‘lbola usulda pirotexnika vositalarini yasab kelayotganligi aniqlanib, mazkur shaxsning yashash xonadoni ham ko‘zdan kechirilgandi. Ko‘zdan kechirish jarayonida 17 dona qo‘lbola usulda yasalgan pirotexnika vositasi hamda kelgusida yasash uchun mo‘ljallangan moslamalar hujjatlashtirib olindi.
O‘tkazilgan navbatdagi tezkor tadbirda Samarqand shahrida yashovchi 2009-yilda tug‘ilgan shaxs 5 dona qo‘lbola usulda yasalgan pirotexnika vositasini 2 nafar tanishiga sotayotgan vaqtida ashyoviy dalillar bilan ushlandi. Holat bo‘yicha so‘rovlar olib borilib, bu fuqaro qo‘lbola usulda yasalgan pirotexnika vositalarini tanishi bilan kelgusida sotish maqsadida yasaganligi aniqlanib, tanishining novvoyxonasi ko‘zdan kechirilganda, 31 dona qo‘lbola usulda yasalgan pirotexnika vositasi hamda uni yasashda foydalaniladigan modda va buyumlar borligi aniqlanib, tegishli tartibda rasmiylashtirib olindi.
Shuningdek, boshqa bir holatda olingan tezkor ma’lumotlarga asosan, 1976-yilda tug‘ilgan shaxsning yashash xonadoni ko‘zdan kechirilganda tom qismidan portlatish uchun maxsus yasalgan 291 dona kapsulalar, 6 dona shisha idishda kukun va pirotexnika vositalarini tayyorlash uchun ishlatiladigan moddalar qoplarga solingan holda saqlab kelinayotganligi aniqlanib, tegishli tartibda hujjatlashtirib olingan.
Hozirda aniqlangan barcha holatlar yuzasidan tergovga qadar tekshiruv harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
