Rossiyaga kiyim kechak mahsulotlari olib ketayotgan O‘zbekiston yuk mashinasi Qozog‘iston yo‘lida yonib ketdi. Bu haqda KazTAG ma’lum qildi.

Aniqlanishicha, yuk mashinasi O‘zbekistondan Rossiyaga yo‘l olgan bo‘lgan.

“12-fevral soat 01:38da kuni Nur-Sulton – Pavlodar trassasida yong‘in sodir bo‘lgan. Kiyim-kechak ortilgan Renault Premium yuk mashinasi (2010-yilda ishlab chiqarilgan)ning 40 metr kvadrat joyi to‘liq yonib ketgan”, – deyiladi Pavlodar Favqulodda vaziyatlar departamenti xabarida.

Yong‘in soat 5:00larda to‘liq bartaraf etilgan.

Ikki nafar haydovchini Kalkamandagi shifoxonaga olib ketilgani aytilmoqda. Qurbonlar yo‘q.

Dastlabki ma’lumotlarga qaraganda yong‘inga o‘tkazgichlardagi qisqa tutashuv sabab bo‘lgan.

Yetkazilgan zarar miqdori aniqlanmoqda. 

• O‘zbekiston
• Qozog‘iston
• Yon‘in