O‘zbekiston va Qozog‘iston o‘rtasidagi ta’lim va ilm-fan sohalaridagi hamkorlik endilikda oddiy almashinuv dasturlari chegarasidan ancha keng rivojlangan.

Bugungi kunda o‘zaro hamkorlikning asosini bevosita oliy ta’lim muassasalari o‘rtasidagi aloqalar tashkil etadi: ikki mamlakat universitetlari o‘rtasida 280 dan ortiq hamkorlik shartnomalari va memorandumlari amal qilmoqda, bunda Qozog‘istonning 60 dan ortiq oliy o‘quv yurtlari ishtirok etmoqda.

O‘zbekistonda Nizomiy nomidagi Toshkent davlat pedagogika universiteti, Qoraqalpoq davlat universiteti, Guliston davlat universiteti, shuningdek, Nukus, Jizzax va Navoiy pedagogika institutlarida qozoq tili va adabiyoti fakultetlari hamda bo‘limlari tashkil etildi. Bu o‘qituvchilardan tortib, tarjimonlar va tadqiqotchilargacha bo‘lgan kadrlar bazasini shakllantiradi hamda kelajakda hamkorlik aloqalarini yanada kengaytirish imkonini beradi.

Qozog‘istonda esa o‘z navbatida 141 ta maktabda 5 814 ta sinfda 89 038 nafar o‘quvchi o‘zbek tilida ta’lim olmoqda. O‘zbek tilida ta’lim oladigan maktab o‘quvchilarining soni ko‘p bo‘lishi mamlakatlar o‘rtasidagi gumanitar, ilmiy va iqtisodiy aloqalarni kelajakda rivojlantirish uchun jiddiy resurs hisoblanadi.

Shunday qilib, ta’lim sohasidagi hamkorlik O‘zbekiston va Qozog‘istonning mintaqaviy o‘zaro bog‘liqligi va umumiy manfaatlari nuqtayi nazaridan fikrlaydigan yangi avlod mutaxassislarini shakllantirish mexanizmi sifatida xizmat qilmoqda

• Hamkorlik
• O‘zbekiston
• Qozog‘iston