O‘zbekiston terma jamoasi va “Istanbul Bashakshehir” hujumchisi Eldor Shomurodovga Turkiyaning boshqa futbol klublari qiziqish bildirmoqda.

Xabarlarga ko‘ra, o‘tgan mavsum Turkiya Superligasida ikkinchi o‘rinni egallagan “Fenerbahche” O‘zbekiston terma jamoasi hujumchisi Eldor Shomurodovni o‘z safiga qo‘shib olishni rejalashtirmoqda. Fotomach nashrining yozishicha, istanbulliklar tajribali forvardni hujum chizig‘idagi raqobatni kuchaytirish uchun munosib nomzod sifatida baholamoqda.

Shuningdek, Shomurodovga Turkiyaning yana bir klubi — “Trabzonspor” ham qiziqish bildirmoqda. Bundan tashqari, Saudiya Arabistoni klublaridan ham moliyaviy jihatdan manfaatli takliflar borligi aytilmoqda.

Ma’lumot uchun, hamyurtimiz yakunlangan mavsum davomida barcha musobaqalarda 22 ta gol urib, 5 ta golli uzatmani amalga oshirgan.

• Eldor Shomurodov
• Futbol
• Saudiya Arabistoni
• Sport
• Turkiya