Ukraina prezidenti Volodimir Zelenskiy idorasi rahbari maslahatchisi Mixail Podolyak Kiyevning Kremlga uyushtirilgan uchuvchisiz samolyot hujumiga aloqasi yo‘qligini ta’kidladi. Bu haqda Agence France-Presse nashri xabar berdi.
Avvalroq Kreml matbuot xizmati bugun, 3-mayga o‘tar kechasi Kiyev rejimi Rossiya prezidenti Vladimir Putinning Kreml qarorgohiga dron zarba berishga uringanini ma’lum qilgandi.
“Ukrainaning Kremlga uchuvchisiz uchoqlar hujumi uyushtirilganiga hech qanday aloqasi yo‘q”, deydi Podolyak.
Shuningdek, Zelenskiyning matbuot kotibi Sergey Nikiforov ham Ukrainaning Kremlga qilingan hujumga aloqadorligini rad etdi.
“Bizda Kremlga tungi hujumlar uyushtirilishi bo‘yicha ma’lumot yo‘q. Prezident Zelenskiy ta’kidlaganidek, Ukraina barcha mavjud kuch va vositalarni o‘z hududlarini ozod qilishga qaratadi, boshqalarga hujum qilishga emas”, deydi u.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!