Toshkent viloyatining Bekobod shahrida yashovchi, 1976-yilda tug‘ilgan, muqaddam bir necha marotaba sudlangan shaxs xorijda ishlab chiqarilgan hamda tarkibida “sibutramin” kuchli ta’sir qiluvchi moddasi bo‘lgan kofe va boshqa mahsulotlarni sotish bilan shug‘ullanishi aniqlangan.

Uning “O‘rikzor” bozorida joylashgan do‘koni ko‘zdan kechirilganda jami 28 984 dona “30 Slimming”, “MAX Slimming”, “Keto Coffee” nomli mahsulotlar sotish maqsadida saqlab kelinayotganligi ma’lum bo‘lgan.

Hozirda ushbu shaxsga nisbatan Jinoyat Kodeksining 2511-moddasi 5-qismi bilan jinoyat ishi qo‘zg‘atilib, tergov harakatlari olib borilmoqda.

Yana bir holatda esa Toshkent viloyatining Zangiota tumanidagi TIR-park hududida turgan xorijiy davlat fuqarosi boshqaruvidagi yuk avtomashinasi salonidan “gashish” giyohvandlik vositasi ashyoviy dalil sifatida olingan.

Hozirda chet el fuqarosiga nisbatan Jinoyat Kodeksining 276-moddasi 1-qismi bilan jinoyat ishi qo‘zg‘atilib, “qamoq” ehtiyot chorasi qo‘llanilgan. Tergov harakatlari olib borilmoqda.

• DXX
• Jinoyat
• Qahva
• savdo