Xiaomi sub-brendi 300 vatt quvvatga ega dunyodagi eng kuchli smartfon zaryadlovchi qurilmasini namoyish etdi. Kompaniya ijtimoiy tarmoqdagi rasmiy akkauntida zaryadlash jarayoni aks etgan videoni joylashtirdi.

Videoda Redmi Note 12 Pro + smartfonining 4100 mA/soat akkumulyatorga ega maxsus versiyasi ko‘rsatilgan. Bu qurilma sotilmaydi, u faqat Redmi laboratoriyasida sinash uchun yaratilgan.

Videodagi quvvatlanish vaqti 5 daqiqadan sal kamroq, 210 Vt quvvatga ega bo‘lgan Redmi Note 12 Explorer Edition smartfoni esa 10 daqiqada quvvatlanadi.

Tijorat qurilmalari orasida hozirgi rekordchi 240 Vt quvvatga ega Realme GT Neo 5 hisoblanadi. Kompaniya ma'lumotlariga ko'ra, smartfon 80 soniyada 20 foizgacha, 4 daqiqada 50 foizgacha va 9,5 daqiqada 100 foizgacha quvvat oladi.

• Smartfon
• Xiaomi
• qiziqarli