“Rolls-Royce” atigi uch dona ishlab chiqarilgan “Boat Tail” kabrioletlarining ikkinchisini taqdim etdi. Avtomobil “Rolls-Royce Coachbuild” bo‘limi tomonidan yaratilgan bo‘lib, original korpus va maxsus bezaklarga ega. 

“Qayiq dumli”ning ko‘rpusiga rang tanlashda marvarid chig‘anoqlaridan ilhomlanilgan. “Ecstasy” haykalchasi esa pushti tilladan ishlangan. Mashinaning narxi aniqlanmagan, ammo seriyaning birinchi nusxasi, ba’zi ma’lumotlarga ko‘ra, xaridorlarga 28 million dollarga tushgan.

“Boat Tail” kabrioleti vagonlar ishlab chiqarishning oltin davrini eslatadi va yangi tashkil etilgan “Rolls-Royce Coachbuild” bo‘limining birinchi mahsuloti bo‘ldi. Tiraj uch nusxa bilan cheklangan. Birinchisi o‘tgan yili namoyish etilgan. Endi ikkinchisi tayyor. U Italiyadagi “Villa d’Este” tanlovida debyut qildi. Avtomobilni buyurtma qilgan mijoz marvarid qazib olish bo‘yicha oilaviy biznes egasidir. U o‘zining muvaffaqiyati uchun otasiga qarzdor va mashina oilaviy merosga hurmatdan boshqa narsa emasligi ta’kidlab o‘tilgan.

Avtomobil kuzovi minimal bo‘g‘inlarga ega mustahkam alyuminiy plitalardan yasalgan bo‘lib, bu avtomobilga XX asr boshidagi poyga yaxtalariga o‘xshash qilib ishlangan. 

Kontrastli “konyak” kapoti kabriolet uchun maxsus ishlab chiqarilgan. Bronza va oltin dog‘lar, shuningdek, muz matli lak, unga chuqurlik va issiq ohang beradi. Tananing pastki qismi uglerod tolasi bilan qoplangan bo‘lib, uning tuzilishida pushti oltin ip to‘qilgan.

Qimmatbaho metall, shuningdek, “Ecstacy” haykalchasi uchun ham ishlatilufy. Vaqt o‘tishi bilan orqa qanot o‘z rangni o‘zgartiradi. Salon marvarid bezakli, rangli teri bilan bezatilgan.

Shu bilan birga, markaziy konsoldagi soat yuza, tutqichlar va kalitlar marvariddan yasalgan. Ular uchun material mijozning o‘z kolleksiyasidan olingan. Kapot ostida 6,75 litrli V12 biturbo dvigatel (571 ot kuchi, 900 Nm) va sakkiz pog‘onali avtomat ZF o‘rnatilgan. “Rolls-Royce Boat Tail” kabriolet barcha sinov testlaridan muvaffaqqiyatli o‘tgan va umumiy foydalanishdagi yo‘llar uchun sertifikatlangan.

Ba’zi ma’lumotlarga ko‘ra, birinchi “Rolls-Royce Boat Tail” qo‘shiqchi Beyonse va uning turmush o‘rtog‘i, reper “Jey-Zi”ga tegishli bo‘lib, ular avtomobilni 28 million dollarga sotib olishgan.

• Avtomobil
• Rolls-Royce
• milliarderlar