Portugaliya terma jamoasi hujumchisi va ayni paytda erkin agent bo‘lib turgan Krishtianu Ronaldu “Real” Madrid klubiga tegishli mashg‘ulot va o‘quv korpus bazasi Valdebebasda mashg‘ulot o‘tkazgan. Bu haqda ishonchli insayder Fabrizio Romano xabar berdi.

37 yoshli futbolchi Madrid klubi bilan yaxshi munosabati tufayli mavsumoldi tayyorgarlikni ayni shu yerda o‘tkazishni so‘ragan. "Qaymoqranglilar" esa bunga ruxsat bergan.

Lekin, Krishtianu ayni paytda JChdagi omadsizlik tufayli tushkun ahvolda ekanligini payqash qiyin emas.

5 karra “Oltin To‘p” sohibining keyingi faoliyati qayerda davometishi hali noma’lum. Unga APLdan “Chelsi” klubi qiziqish bildirayotgani haqida mish-mishlar mavjud. Shuningdek, Saudiyaning “Al-Nasr” klubi portugalni jamoaga taklif qilmoqda. U bu bitim ortidan mavsumida 200 million yevrodan ziyod pul ishlab olishi mumkin.

Shuningdek, ilgariroq, Ronaldu o‘z xizmatlarini “Real”ga taklif qilgani haqida xabarlar paydo bo‘lgan edi.

Shu yilgi Jahon chempionatida Krishtainu Portugaliya bilan muvaffaqiyatsiz ishtirok etdi. Terma jamoa Marokashga bahsda mag‘luniyatga uchrab, turnir bilan xayrlashdi.

• Portugaliya
• Real
• Ronaldu
• Transferlar